Një vrasje e dyfishtë ka ndodhur pasditen e sotme në Stajkovcë të Shkupit, në Maqedoninë e Veriut, ku i moshuari ka vrarë vëllanë e kunatën e tij, e më pas ka plagosur veten me thikë.
Autori i kësaj vepre ndodhet në spitalin “Sveti Naum Ohridski”
Si ka ndodhur ngjarja?
Fillimisht u dha informacioni se janë gjendur të plagosur në banesën e tyre bashkëshorti 64 vjeç dhe gruaja 57 vjeç.
Me mbërritjen e policisë dhe mjekëve në vendngjarje u konstatua se çifti kishte ndërruar jetë nga plaget e marra.
Ndërkohë u gjend i plagosur me thikë në banesë e një 67 vjeçar, i cili rezulton të jetë vëllai i 64-vjeçarit.
Policia në Maqedoninë e Veriut dyshon se ai është autori i vrasjes.
Nuk dihen akoma shkaqet e këtij krimi të dyfishtë në familje, por uniformat blu po punojnë për zbardhjen e rrethanave të saj.